Útgerðarfélagið Hvammur, Hrísey, áminning heilbrigðisnefndar 4. des. 2013
Útgerðarfélagið Hvammur, Hrísey; áminning vegna losunar á fiskúrgangi.
Heilbrigðisnefnd bókaði eftirfarandi:
Heilbrigðisnefnd Norðurlands eystra hefur ekki borist áætlun um úrbætur varðandi losun fiskúrgangs í sjó af völdum Útgerðarfélagsins Hvamms, þrátt fyrir yfirlýsingar rekstraraðila þar að lútandi.
Heilbrigðisnefnd Norðurlands eystra veitir hér með Útgerðarfélaginu Hvammi áminningu í samræmi við 26.gr. laga nr. 7/1998, um hollustuhætti og mengunarvarnir. Áminning mun verða birt á heimasíðu embættisins. Fyrirtækinu er veittur frestur til 26.desember nk. til úrbóta og/eða koma sjónarmiðum sínum á framfæri.
Heilbrigðisnefnd vekur athygli á því að skv. 31.gr. laga nr. 7/1998 er Útgerðarfélaginu Hvammi heimilt að vísa ágreiningi um ákvörðun heilbrigðisnefndar til úrskurðarnefndar umhverfis- og auðlindamála, sbr. 4.gr. laga nr. 130/2011, um úrskurðarnefnd umhverfis- og auðlindamála. Aðsetur úrskurðarnefndar er að Skúlagötu 21, 101 Reykjavík.