Niðurstöður sjósýna á athafnasvæði Nökkva, Akureyri

Niðurstöður sýna sem voru tekin á athafnasvæði Siglingaklúbbsins Nökkva við Akureyri mánudaginn 22. júní sýna að mengun í víkinni við flotbryggjur er nokkuð yfir mörkum, þ.e. 350 saurkólígerlar í 100 ml af sjó.

Sunnan við uppfyllingu mældust 49 saurkólíbakteríur í 100 ml af sjó.

Viðmiðunarmörk eru 100 saurkólíbakteríur í 100 ml af sjó þar sem útivistarsvæði eru í grennd, samkvæmt reglugerð nr. 796/1999, um varnir gegn mengun vatns. 

HNE beinir þeim tilmælum til forsvarsmanna Siglingaklúbbsins Nökkva og almennings að forðast sjóböð og busl í víkinni þar til niðurstöður liggja fyrir um annað. 

Sýni verða aftur tekin mánudaginn 29. júní.